Haizetara 2024: Dendariak abesten

Animatu eta parte hartu! Kanpainari atxikitako saltokietako erakusleihoen artean jarri diren 5 musika-notak aurkitu behar dituzu.

Kanpaina hau Udalak urtero antolatzen duen Haizetara kaleko banden Jaialdiaren barruan kokatzen da.

Aurten ekainaren 21, 22 eta 23ko asteburuan ospatuko da eta herriko txoko guztiak musikaz beteko ditu.

Parte hartzeko liburuxkak: Udala, Zelaieta Zentroa, establezimenduak eta Dendariak.

Kanpaina ekainaren 30era arte egongo da martxan.

Zozketa uztailaren 2an egingo da. 

Zornotzako Udalak eta Eusko Jaurlaritzako Turismo, Merkataritza eta Kontsumo Sailak diruz lagundu dute jarduera hau.

Kanpainaren oinarriak hauek dira:

1- 100€-ko 10 txartel zozketatuko dira kanpainari atxikitako establezimenduetan erabiltzeko.
2- Kanpaina ekainaren 10ean hasi eta ekainaren 30ean bukatuko da.
3- Zozketan sartzeko, kanpainari atxikitako establezimenduen artean jarri diren 5 musika-notak bilatu, liburuxka behar bezala bete (apuntatu nota bakoitzaren zenbakia dagokion laukitxoan) eta Dendariak elkarteko bulegoan entregatu.
4- Parte hartzeko liburuxkak eskuragarri daude Udalean, Zelaieta Zentroan, establezimenduetan eta Dendariak elkarteko bulegoan
5- Zozketa uztailaren 2an egingo da eta irabazleei telefonoz deituko zaie.
6- Txartelak hainbat establezimendutan erabil daitezke, betiere horietako bakoitzean gutxienez 10 euroko gastua egiten bada.
7- Irabazleek urriaren 1a baino lehen gastatu beharko dituzte txartelak.
8- Irabazlea ados egongo da Dendariak elkarteko bulegoan argazki bat ateratzearekin, elkarteak bere sare sozialetan partekatu ahal izan dezan; bestela, saria jasotzeko eskubidea galduko du.