Escape Room

Jokoan 3-5 laguneko taldeek parte har dezakete, 16 urtetik gorakoek edo lagunduta. Jarduera 10:00etatik 14:00etara egingo da, gehienez 2 ordu talde bakoitzeko. Amorebieta-Etxanoko establezimendu ezberdinetan erronkak gainditzea da helburua.
Jokoa ahalik eta denbora laburrenean osatzen duen taldea izango da irabazlea, eta taldekide bakoitzak sari berezi bat jasoko du: 100 €-ko erosketa-txartela, jarduerari atxikitako establezimenduetan gastatzeko.
Parte hartu ahal izateko, banner-ean eskuragarri dagoen QR kodearen bidez eman beharko duzue izena. Izena taldean eman behar da.
Izen-ematea uztailak 4ko 14:00ak arte egongo da zabalik. Plazak mugatuak dira eta izen-ematearen ordenaren arabera esleituko dira.
Zornotzako Udalak eta Eusko Jaurlaritzako Turismo, Merkataritza eta Kontsumo Sailak diruz lagundu dute jarduera hau.

Kanpainaren oinarriak hauek dira:

1. Jokoa uztailaren 6an, larunbatean, izango da goizez. 16 urtetik gorako 3-5 pertsonek (edo adin txikikoek lagunduta) parte har dezakete jokoan.
2. Amorebieta-Etxanoko establezimenduen barruan erronkak gainditzea izango da jokoa.
3. Izena emateko, talde bakoitzak ordezkari bat izendatu beharko du, eta kide guztien izenean egingo du prozesua. Hau da, izen-emateak taldeka egin behar dira, eta ez banaka.
4. Izen-ematea uztailak 4ko 14:00ak arte dago zabalik. Plaza mugatuak, izena emateko hurrenkeraren arabera.
5. Izen-ematea doakoa da, QR kodearen bidez. Establezimenduetako karteletan, webgunean www.dendariak.com eta elkartearen sare sozialetan (Instagram eta Facebook) dago eskuragarri. Ezinbestekoa da formularioa betetzea izen-ematea behar bezala amaitzeko.
6. Talde bakoitzak internetera konektatutako gailu bat izan behar du, adibidez, telefono mugikor bat.
7. Jokoa 10:00etatik 14:00etara egingo da. Hala ere, talde bakoitzak gehienez 2 orduko muga izango du osatzeko, eta talde bakoitzaren hasiera-ordua aldez aurretik jakinaraziko da. Izen-ematean, nahi den hasiera-ordua aukeratu ahal izango da, baina ez da bermatzen eskuragarri egongo denik.
8. Jokoa Dendariak elkarteko bulegoan hasiko da (Luis Urrengoetxea kalea, 9, 48340 Amorebieta-Etxano).
9. Talde bakoitzak berrespen mezu bat jasoko du WhatsApp bidez taldearen ordezkariak emandako telefonoan, jokoan parte hartuko duela iragarriz.
10. Sari banaketa ekitaldiaren egun berean egingo da, uztailaren 6an, larunbata, 14:10ean, Urgozo Iturrian, Zelaieta Parkean.
11. Jokoa ahalik eta denbora laburrenean osatzen duen taldea izango da irabazlea, eta taldekide bakoitzak sari berezi bat jasoko du: 100 €-ko erosketa-txartela, jarduerari atxikitako establezimenduetan gastatzeko.
12. Txartelak hainbat establezimendutan erabil daitezke, betiere horietako bakoitzean gutxienez 10 euroko gastua egiten bada.
13. Irabazleek irailaren 16a baino lehen gastatu beharko dituzte txartelak.
14. Irabazleak ados egongo dira Dendariak elkarteko bulegoan argazki bat ateratzearekin, elkarteak bere sare sozialetan partekatu ahal izan dezan; bestela, saria jasotzeko eskubidea galduko du.