Marrazki Lehiaketa

Lehiaketa 4 kategoriatan (< 8 urte; 8 – 12 urte; 13 – 17 urte; eta > 18 urte) banatu da, eta kategoria bakoitzeko irabazleak 100 euroko erosketa-txartel batekin sarituko dira, jarduerara atxikitako establezimenduetan gastatzeko. Edozein marrazketa teknika erabili ahal izango da, arkatza, akuarelak edo olioa, besteak beste, baldin eta aurkezteko formatua DIN-A4 bada.
Parte hartu ahal izateko marrazkiak Dendariak elkarteko bulegoan entregatu beharko dituzue edo posta arruntez bidali: Luis Urrengoetxea kalea 9, 48340 Amorebieta-Etxano.
Marrazkiak uztailaren 1eko 10:00etatik uztailaren 26ko 14:00ak arte entregatu ahal izango dira.
Marrazki irabazleak irailaren 9an iragarriko dira, eta ohar-bloketan inprimatuko dira.
Zornotzako Udalak eta Eusko Jaurlaritzako Turismo, Merkataritza eta Kontsumo Sailak diruz lagundu dute jarduera hau.

Lehiaketaren oinarriak hauek dira:

1. Marrazki lehiaketan parte hartuko duten marrazkiek tokiko merkataritzarekin eta herriko jaiekin zerikusia izan beharko dute.
2. Parte hartzeko honako kategoria hauek ezartzen dira, parte-hartzailearen adinaren arabera (parte hartzeko unean betetako urteak):
• 1. Kategoria: 8 urtetik beherakoak
• 2. Kategoria: 8 eta 12 urtekoak
• 3. Kategoria: 13 eta 17 urtekoak
• 4. Kategoria: 18 urtetik aurrera (18 urte barne)
3. Marrazketako edozein teknika onartuko da, hala nola arkatza, akuarelak eta olioa, betiere aurkezpen-formatua DIN-A4 bada.
4. Marrazkiak zuri-beltzean edo koloretan egin daitezke.
5. Marrazkiek originalak eta argitaragabeak izan behar dute. Hau da, sortzailearen jabetza esklusiboa izan behar dute.
6. Parte-hartzaile bakoitzak marrazki bat aurkeztu ahal izango du gehienez.
7. Marrazkiak Dendariak elkartearen bulegoan aurkeztu beharko dira edo postaz bidali: Luis Urrengoetxea kalea 9, 48340 Amorebieta-Etxano.
8. Marrazki bakoitzarekin batera, datu hauek eman behar dira:
• Izen-abizenak
• Harremanetarako zenbakia (legezko tutorearena, adingabeen kasuan)
• Adina
9. Marrazkiak uztailaren 1eko 10:00etatik uztailaren 26ko 14:00ak arte entregatu ahal izango dira.
10. Jasotako marrazki guztien artean, kategoria bakoitzeko irabazle bat aukeratuko da, eta 100 €-ko balioa duen erosketa-txartel batekin sarituko da, jarduerari atxikitako establezimenduetan erabiltzeko.
11. Dendariak elkarteak askatasun osoa du lehiaketaren gaiarekin bat ez datozen eta lehiaketaren arau guztiak betetzen ez dituzten marrazkiak baztertzeko.
12. Txartelak hainbat establezimendutan erabil daitezke, betiere horietako bakoitzean gutxienez 10 euroko gastua egiten bada.
13. Irabazleek urriaren 14a baino lehen gastatu beharko dituzte txartelak.
14. Irabazleak ados egongo dira argazki bat ateratzearekin, elkarteak bere sare sozialetan partekatu ahal izan dezan; bestela, saria jasotzeko eskubidea galduko du.
15. Marrazki lehiaketako epaimahaia Dendariak elkarteko Zuzendaritza Batzordeko kideek osatuko dute.
16. Epaimahaiaren erabakia apelaezina izango da, eta marrazki irabazleak irailaren 9an jakinaraziko dituzte. Irabazleei telefonoz deituko zaie, eta saritutako marrazkiak Dendariak elkarteko sare sozialetan eta webgunean partekatuko dira, eta bulegoaren erakusleihoan jarriko dira ikusgai.
17. Dendariak elkarteak lehiaketa edo kategorietako bat hutsik utzi ahal izango du, justifikatutako arrazoiengatik, eta sariak ematea ondoriorik gabe utzi ahal izango du.
18. Marrazki sarituak eta horien zabalkunde-eskubideak Dendariak elkartearen esku geratuko dira, eta hark erabiltzeko eskubidea izango du.